بقلم /سيد ابو توغان
على مدار عمر قد قارب على الإنتهاء
يا ريت تقراء للأخر وبلاش منور ولا غيره
رأيت رأي العين عجب العجاب
وعلى رأي المثل ال يعيش ياما يشوف
بس أنا عن نفسي خلاص اكتفيت مش عايز اشوف حاجه تانى كفاية كدا قوى
بعض ال شوفتوا في حياتي
الأب والام هم اغلى كنز يملكه الإنسان ولا يدري
وشوفت في الناس العجب خد عندك
ال حبهم كرهوه وال اخلص لهم طعنوه وال خاف عليهم اتريقوا عليه وال خاف منهم احتقروه
وال تجبر عليهم عبدوه وركعولو وسجدو تحت رجليه
الناس عجيبه جدآ سبحانه خالقهم
شوفت الغنى وهو بخيل ساعة ما يطلع من جيبه جنيه كأن روحه طالعة فيه
شوفت فقير وكريم وتوب الرجولة كأنه متفصلش غير ليه
عنده عزة نفس ويوقف جنبك بكل ال يقدر عليه
وشوفت ناس معاها فلوس كتير قوي بس جعانين
بيزاحموا الفقير والمساكين في أكل عيشهم مستكترين عليهم جنيه ياكلوا بيه
وشوفت ناس هوايتهم إنهم يكونوا خدامين ولو رفع الله شأنهم ورزقهم من أوسع أبوابه برضو هما خدامين
الوطيان وقلة الكرامه في دمهم على طول
وشوفت كداب من الخوف وكداب كدب علشان أكل العيش وكداب ايقول أنا باحب وهو بيكره وكداب لبس توب العفه والطهارة
وشوفت علماء لكن بدون أخلاق علمهم ما نفعش حد لأنهم مكروهين بيكرهوا نفسهم طب يحبوا مين
وشوفت مشايخ وأئمة مساجد بيقولوا قال الله وقال الرسول بيسرقوا عينى عينك مال الفقير واليتيم والمسكين
وشوفت الكدابين والمنافقين والغشاشين والمتنمرين وال بيبيعوا نفسهم واولادهم ونسائهم وضمائرهم علشان منصب والا جنيه
وشوفت دكتور بيمنع علاجه لمريض معهوش فلوس طب زكى عن علم ربنا ادهولك يا راجل
ودكتور يخون الامانه وكل هموا نفسوا نفسوا ومش مهم الآخرين
وشوفت ناس كل ما تكدب عليهم يضحكوا قوى قوى ومبسوطين
ولو قلتلهم الحقيقة يكرهو اليوم ال شافوك فيه
عايزين الوهم ويدولك اغلى حاجه معاهم بس الحقيقة مره وما يحبش يشوف الحقيقة إلا المؤمنين
وشوفت ال اكل مال إبنه واداه لاين غيرو
وال كل مال اخواتوا صبيان وبنات
وشوفت ال قتل اخوه وال ضرب ابوه وال قال لابوه شوفلك طربه ادفن نفسك فيها
وشوفت الأم رايحه جايه على القسم وتودي زياره لابنها وتجيبلوا محامى وبعد ما يطلع يضربها ويهينها وترجع تعيد الكره من جديد ليه يا حاجه كيدا ما هو ابنى يابنى طب اعمل ايه
وواحد مغيب ابوه في شدة مرضوا يلغى العلاج ويجيبلوا محامى يطلعوا وبكل سهوله يروح للغلط تانى برجليه يابنى حرام عليك
وشوفت ناس مخلصين وطيبيين ومحبوبين وربنا راضي عنهم ومحبب فيهم خلقوا ومكان ما يكونوا تلاقى الدنيا جميله وحلوه وعايز من جنبهم ما تمشيش
وشوفت ال حب لكن ما طالش حبو
وشوفت ال كره راحوا اترموا في احضانه وبين ايديه
وشوفت ال اتغرب علشان مستقبل عيالوا وعمل فلوس كتير والصدمه إن بيتوا كلوا فشل وضاعت كل حاجه ومات فقير ومريض
هاشوف إيه تانى
شوفت الغريق والمحروق والقاتل والمقتول والحادثه ال بتحصل في ثانيه تلاقي كتير ميتين
شوفت الإبن ميت في ايد ابوه والاب ميت وما فيش حد من عيالو جنبيه
يا دنيا بكينى العين وقطعتى القلب وشيبتى الشعر
كفايه كفاية مش عايزين نشوف حاجه تانيه
الكاتب/سيد ابوتوغان
