الكاتب الصحفي/محمد عبدالسميع مصباح
يحاور : الفنانة/أية عبدالرؤوف
_ الفنانه التشكيليه آية في بداية الحديث ممكن نتعرف على حضرتك ..؟!
آيه عبدالرؤوف
_ بتدرسي ولا اتخرجتي ..؟!
بدرس ف كليه التربيه النوعيه
_ بتحلمي ب إيه و إيه هي طموحاتك و وصلتي ل إيه ف المجال دا ..؟!
بحلم ان اكمل الطريق و احقق حلمي و يكون ليا معرض لوحات خاص بيا
وصلت ل مستوي كويس ف الرسم بالزيت و بشترك ف معارض دوليه و بدرس انواع فنون كتير ف دا بيساعدني ف ان افهم ف كتير من الخامات
_ مين اللي اكتشف موهبتك دي و مين اللي دعمك ومازال بيدعمك ..؟!
اهلي الدعم بيجي من الاهل و علي السوشيال ميديا
_ تحبي تشكري حد معين ساعدك إنك تنمي موهبتك ..؟!
بابا
_ ممكن تعرفينا إيه هي أنواع الفن التشكيلي اللي بتفضليها و تكلمينا عنها بشرح مُبسط كده ..؟!
بفضل الفن التجريدي و السريالي
التجريدي بيكون عباره عن خطوط و اشكال هندسه و شبه هندسيه
اما السريالي بيكون عن الخيال و بيعبر عن شعور الرسام جداً
_ بتفكري تعملي إيه الفترة الجاية ..؟!
اعمل معرض خاص بيا داخل جامعه المنصوره قريب
و اهتم شويه بخامه الفحم و الرصاص
_ تحبى تضيفى حاجة تانيه ..؟!
ان مفيش حد ف الدنيا مش فنان
كلنا فنانين و نقدر نوصل لحلمنا
و ان الرسم مش موهبه بس و ان نقدر ما التدريب نرسم حاجات عظيمه
