كتبت ماري جرجس
كنزي مدبولي صانعة محتوي دخلت قلوب الكثير لتميزها في تعاملها علي طبيعتها مع جمهورها الذي أطلقت عليهم لقب ( بنات خالتي ) ، وأيضاً اثارت الجدل حول حديثها وتوعيتها للمرض النفسي مثل ( الوسواس القهري ) وغيره من توعيه المرأة بشكل 
عام ، و قامت بتقديم ذلك بطريقه مميزه أثرت علي متابعيها .
– في البدايه ، أين تري كنزي مدبولي نفسها خلال الثلاثة أعوام القادمه وكيف كانت منذ ثلاثه اعوام ؟
مش عارفه الصراحه ممكن أكون فين بس أنا طموحه وعارفه أن ربنا شايلي حاجه مختلفه عن اللي بفكر فيه ، واتمني أني أكون بعمل حاجه بحبها واطور في اللي انا فيه ، وطبعاً أتمني ان عيلتي وفراس وبنات خالتي يبقوا بخير وجنبي .
من ٣ سنين كنت في مرحلة الاكتئاب والكورونا وبتخرج من الجامعة ، ومكنتش لسه بدأت علي السوشيال ميديا .
- ما الذي يمكن أن تقدمه كنزي لجمهورها ؟
بحب اسليهم واحسسهم أنهم متونسين ولما يفتحوا يأخدوا طاقه ايجايبه واحاول أخلي الدنيا احسن حتي لو تأثيري علي عدد قليل .
- آي من الاعمال الدراميه كنتِ تتمني أن تقومي بدور فيه ؟
كنت أتمني اكون في ب مسلسل ” ب١٠٠ وش ” ، غيرلي حياتي فعلاً لانه جه في وقت كرونا والاكتئاب وقدر يجمعنا كلما وخرجنا من المود .
- تقومين بالحديث عن توعيه المراه ، فما أكثر قضيه اثارت الجدل عند حديثك عنها ؟
لما بتكلم عن الدوره الشهريه الناس بتنتقدني في حته الحياء وانه عيب حتي أهلي .
- هل ستقومي بتوعيه أكثر عن ” الوسواس القهري ” آم تكتفي بهذا القدر وتوجهي اهتمامك بموضوع أخر ؟
أنا حاسه أني قولت كل حاجه أقدر اعملها عن الوسواس القهري لو اتكلمت تاني هكون بعيد الكلام ، وانا في العموم بوعي عن الصحه النفسيه مش حاجه معينه خصوصًا أني اكتشفت آني عندي كذا حاجه غير الوسواس .
- نعلم أن هدفك هو الوصول لمجال السينما وذلك بآراء جميع من شاهدوا الفيديوهات التي تقومي بنشرها ، فأذا حققتي ذلك ماذا سيكون حلمك التالي ؟
أتمني اني أحقق الحلم ده في يوم ولو أتحقق هتمني أني أقدم أحسن اداء وأحسن عمل فني ؛ لاني أكيد مش هبدء بأفضل حاجه .
- ما النصيحه التي تودِ اعطائها لجمهورك ؟
أنا بديهم نصيحه كل يوم ، بس دلوقتي ممكن أقولهم ان أي حد ممكن يحلم وأي حد ممكن يحقق حلمه ، مافيش حد ناجح علشان ربنا خالقه ناجح لا هو عافر واشتغل لحد ما وصل لكده .
- ما سر أغنيه ( كل حاجه بتعدي ) بالنسبه لكِ ؟
أنا من أكبر الفانز لكاريوكي ومن إعدادي بروح وراهم كل الحفلات ولما نزلت الاغنية دي كنت بسمعها زي أي أغنيه بس كنت بسمعها كتير علشان ادي نفسي طاقه ايجابيه ، و بدأت اغنيها مع بنات خالتي واقولهم الكلمات و اتعلقوا بيها وأنا كمان رجعت أتعلق بيها زي زمان .
- في فتره قليله أستطعتِ أن تقتحمِ قلوب الالاف والالاف ، فتري ما سر نجاحك ؟
سر نجاحي هو أول حاجه توفيق ربنا أنا دايماً كنت بدعي ربنا يرضي عني ويحبب فيا خلقه وبدعي ده لحد دلوقتي ، وتاني حاجه اني علي طبيعتي .
– في النهايه هل تودِ أن تقولي شئ معين او تقومِ بتوجيه رساله ؟
عايزه أقولهم أن هما فعلا عيله وأن لما بقول عليهم بنات خالتي مش بيبقي كلام ، ولما بنتقابل بنحس أننا عارفين بعض من زمان فعلاً ، هما غيروا حياتي ولما بتعب بيدعمونِ وانا كنت مفتقده وجود ناس جدعه زيهم وحاسه فعلًا أن ربنا عوضني بيهم .
