يحاورها الكاتب الصحفي/ محمد عبدالسميع مصباح
_ الفنانه التشكيليه ندى في بداية الحديث ممكن نتعرف على حضرتك ..؟!
اهلا ب حضرتك
أنا اسمى ندى حسن السيد
_ بتدرسي ولا اتخرجتي ؟!
أنا حاليا ف كليه حاسبات ومعلومات قسم عماره وديكور.
_ بتحلمي ب إيه و إيه هي طموحاتك و وصلتي ل إيه ف المجال دا ..؟!
بحلم أن اكون ناجحه دايما مهما كانت الظروف
_ مين اللي اكتشف موهبتك دي و مين اللي دعمك ومازال بيدعمك ..؟!
والحقيقه محدش اكتشف موهبتى غير نفسى
بدات من نفسى وأنا عندى ١٧سنه بدات رسم كارتون ب الرصاص الاول ولقيت أن حبيت فكره الرسم وبعد كدا رسمت ب فحم بورتريه اشخاص ومازالت .
_ تحبي تشكري حد معين ساعدك إنك تنمي موهبتك ..؟!
احب اشكر اهلى لانهم شجعونى ع موضوع الرسم .
_ ممكن تعرفينا إيه هي أنواع الفن التشكيلي اللي بتفضلها/ بتفضليها وتكلمنا/ تكلمينا عنها بشرح مُبسط كده ..؟!
بفضل البورتريه…اريحيه البورتريه عندي كبيره جدا..بحب اركز ف تفاصيل ممكن تكون صغيره اوي بس اللي يركز تعجبه اوي
يمكن رسم الفرعون او اي رسمه بتكون واقعيه زي البورتريه بس لا تركيزي علي البورتريه حاجه عاليه جدا .
_ بتفكرى تعملي إيه الفترة الجاية ..؟!
باذن الله اطور من نفسى وارسم ب لوح اكريليك لأن بجد نفسى اكون حاجه كبيره وأنا لما بركز ف حاجه أنا بحبها بعملها .
_ تحبى تضيفي حاجة تانيه ..؟!
شكرا جدا علي اللقاء الممتع دا وشكرا علي اهتمامكم بالموهوبين .
