الكاتبة دعاء يوسف تتحدث لجريدة أخبار الوطن العربي
كتبت/ آية نور
س/ حدثينا عن سيرتك الذاتية؟
دعاء يوسف مواليد المنصورة وبدرس حاليًا إدارة أعمال من صغري بحب الكتابة وبتعامل معاها كمساحة أهرب ليها وأعبر فيها عن اللي جوايا مع الوقت حولت الشغف ده لطريق حقيقي وعملت اول عمل أدبي ليا.
س/ متي اكتشفتي قدرتك الإبداعية في الكتابة؟
اكتشفت موهبتي وأنا عندي 14سنه كنت بكتب حاجات بسيطة على قدي ومع الوقت حسيت إن عندي قدرة إني أوصل مشاعر الناس بكلام قريب من القلب و الفضل يرجع لبابا عمري ماكنت هبقي دعاء اللي انا عليها دلوقت من غيره
س/ حدثينا عن العمل الاول لكِ باستفاضة وماذا يحمل بداخله؟
عملي الأول هو رواية “حب من أول سكواد”
الرواية بتتكلم عن الحب اللي بيبدأ صدفة ومن مكان مش متوقع من السوشيال ميديا
إزاي كلمة بسيطة أو لايك أو موقف عابر ممكن يفتح باب لمشاعر حقيقية بتحكي عن العلاقات اللي بتبدأ أونلاين وعن الصدف اللي ساعات بتغير مصير ناس عمرهم ما توقعوا يقابلوا بعض
الرواية فيها وجع وضحك وهدوء ولحظات قرب وحاولت فيها اقدم إحساس الحب العصري من غير ما أفقد الروح الحقيقية للمشاعر.
س/ أود أن أري بعض الاقتباسات من كتاباتك؟
مكنتش أتخيل إن لعبة على الموبايل ممكن تقلب حياتي بالشكل ده ولا كنت أعرف إن الطيارة اللي نزلتني على خريطة بابجي كانت في الحقيقة بتنزلني على خريطة تانية خالص خريطة الحب
مكنتش أعرف إن اللي نازلة جنبي دي هتبقي نصي التاني كانت مجرد صدفه بس القدر كان بيراقب من بعيد مستني اللحظة دي عشان يبدأ الحكاية.
ـــ Dark Soly
اللعبه كانت افتراضية بس احساسها كان اصدق من اللي فالحقيقة
عايزة أقولكم
ادي الشخص اللي كان في العالم الافتراضي وعبارة عن شخصية خيالية بقى دلوقت قاعد معايا في نفس البيت بنلعب سوا وبنفتكر ذكرياتنا
ـــ Hayat Sweet
س/ كيف تستغلين وقت فراغك؟
بستغل وقت فراغي في كل حاجة بتضيف لروحي وبتقوي كتاباتي
بقرأ كتير وبكتب حتى لو جملة صغيرة وبقعد مع نفسي أرتب أفكاري وفي نفس الوقت بحب أقضيه مع أهلي وصحابي لأن الضحكة والمواقف اليومية هما اللي بيدوني الإلهام الحقيقي بالنسبة لي وقت الفراغ مش بس راحة ده مساحة أرجع فيها لذاتي وأرجع طاقتي.
س/من هو الكاتب الذي تأثرتي به في بدايتك؟
دينا عماد بحبها جدا من صغري وغيرها كتير بس دي اكتر واحده.
س/ هل تعرضتي من قبل لشئ احبطك في مجالك؟
حقيقي انا بواجه احباط كتير اوي بس الحمد لله مكمله
س/ ما هي الرواية او العمل الأدبي المفضل لكِ بشكل عام؟
ارض زيكولا جميلةجدا
س/ كونك كاتبة ولديك جمهور من القراء والمتابعين هل تزداد عليكِ الواجبات اتجاه المجتمع؟
أيوه أكيد لما الناس تثق فيا وتتابعني بحس إن لازم دايمًا أقدم حاجة تليق بيهم.
س/ لو أحد متابعينك قام بتعليق سلبي علي عمل من أعمالك ماذا يكون رد فعلك؟
هاخده بهدوء اللي يفيدني باخده واللي مش مبني على فهم بتجاوزه من غير ما أتأثر.
س/ اي نوع كتابة تفضلين كتابته؟
بميل لكتابة المشاعر الوجع الحب الأمل الحاجات اللي بتحركنا كلنا.
س/ رسالتك لكل شخص يمتلك موهبة الكتابة؟
متستعجلوش واكتبوا بصدق الكتابة الحقيقية بتخرج من القلب.
س/ما رأيك في الآدب هذه الفترة بوجه عام ؟
الأدب متنوع ومفتوح كل حد ليه فرصة يعبر بأسلوبه وصوته.
س/ هل تفضلين الكتابة بالفصحى ام بالعامية؟
العامية أقرب ليا لأنها بتوصل بسرعة بس بكتب بالاتنين حسب إحساسي.
س/ ما رأيك في أسلوب كتابتك؟
أسلوبي بسيط وصادق وده اللي بيخليني قريبة من القارئ وحابة إن جميع القراء يتابعوني من خلال اكونت الفيس بوك الخاص بي
https://www.facebook.com/share/1BTvoaDRU8/
س/ هل كتاباتك موجهة لفئة معينة؟
كتابات للي قلبه موجوع أو فرحان أو تاه أي حد بيدور على كلمة تشبهه.
س/هل يحدث لكِ ما يطلقون عليه بلوك الكتابة وكيف تتخلصين من هذا الشعور؟
أه بيحصل وباخد استراحة بسيطة وبرجع لما تهدى الدنيا شويه.
س/ ما الذي يجعل الكاتب مميزاً عن غيره؟وكيف يطور من نفسه؟
صدقه وتفرده اللي يقرأ كتير ويتعلم ويجرب يتطور لوحده.
س/ كيف يمكن أن يتوفر للكاتب التوازن بين العزلة المُلهمة وبين التفاعل والاحتكاك مع الطبيعة والحياة بشكل عام ومع الجمهور من جهة اخري من أجل الكتابة والخروج بعمل قوي؟
بقسم وقتي ساعات بحتاجة هدوء وساعات لازم أكون مع الناس الاتنين مهمين للكاتب.
س/ هل تشاركين في معرض القاهرة الدولي للكتاب 2026؟
إن شاء الله لو ربنا كتب نصيب هتكون رواية حب من سكواد
