كتبت اميرة طيرة
في بداية الحوار بنرحب بالكاتبة مي محمد
بجريدة اخبار الوطن العربي؟
أهلًا بحضرتك
نتعرف بحضرتك ؟
أنا مي محمد ،من محافظة السويس ،17 سنة
كلمني عن مواهبتك وبداية ظهورها ؟
والدتي معلمة لغة عربية ،فاتعلمت الكتابة بدري شوية ،و كنت بحب أقرأ كتير لغاية ما مرة مش متذكرة كانت في الصف الثالث ولا الرابع الإبتدائي كتبت أول قصة ليا
هل دعمك احد؟
نفسي أولًا ،و صحابي و والدتي و أختي
هل واجهتك صعوبات في بداية مشوارك الكتابي ؟
مش صعوبات لكن نقدر نقول خوف .. عادةً بحب لما أعمل حاجة تكون مضبوطة أوي *على قد ما أقدر* ،فكنت بخاف إني لما أكتب حاجة متكون مفيدة ،أو مقدرش أوصل الي حابة أوصله بصورة صحيحة
كلمني عن كتاباتك ؟
الحقيقة مبعرفش إني أتكلم أوي عن اللي بكتبه ،لكن أقدر أقول إن كل كلمة بيكون ليها أبعاد تانية .. كل موقف و حرف بكون بخاطب بيه عقل القارئ ..
متي بدأت الكتابة؟
مش متذكرة متى بالضبط لكن في المرحلة الإبتدائية
من الذي يشجعك دائما علي الاستمرار والنجاح في الكتابة؟
صحابي المقربين و أسرتي
من وجهة نظرك هل الكتابة هواية أم موهبة ؟
وسيلة ،الكتابة وسيلة لكل شخص عنده فكر حابب يوصله ،محتاج يكون بيعرف يصيغ الكلام و يبتكر مواقف و يخلق عالم يقدر القارئ يعيش فيه .
من أكثر الشخصيات التي تحب أن تقرأ لها وتأثرت بأسلوبها في الكتابة ؟
أستاذة مروة جوهر و أستاذ خالد أمين و دكتور أحمد خالد توفيق أكيد ،و الكاتبة الي حقيقي بحبها جدًا رحمة نبيل
ما الذي يلهمك للكتابة؟
لما بحس إني عايزة أتكلم في موضوع معين بكتب ،مبستناش حاجة تلهمني
هل لديك أي مواهب أخري ؟
أيوه ، بقول شعر و بتعلم الرسم و كنت بعزف زمان
هل تنتمي لأي كيانات كتابية ؟
لا
ماهي انجازاتك من البداية حتي الآن؟
كل شيء بعمله بعتبره إنجاز ،حتى لو كان شيء بسيط ،لكن الشيء اللي بفتخر بيه حقيقي إني كنت الطالبة المثالية لمحافظة السويس و حصلت على المركز الأول على مستوى الجمهورية في مسابقة دوري المكاتب التنفيذية .
-كيف توفقين بين حياتك وعملك وموهبتك الأبداعية؟
عن طريق إدارة الوقت ،و أحيان كثير بخلي الكتابة مكافئة ليا لما بنجز اللي ورايا .
ما الذي ينتظره قريبا كل محبي الكاتبة مي محمد؟
لسه مفيش محبين ،بس بإذن الله يكون فيه ،و حاليًا رواية عبثيات ليلة هي الأولى ليا ،و تقريبًا كده فيه عمل تاني هيظهر للنور قريب بإذن الله .
هل سبق وعرض لك اي دواوين في معرض الكتاب ؟
للأسف لا دي تجربتي الأولى
لماذا اخترتي هذا النوع من الكتابة فانتازيا و إجتماعي ؟
بخلاف حبي للأنواع دي فكمان هي بتخدمني أوي في توصيل الرسائل اللي حابة أوصلها .
هل لك اي القاب وما سر اختيارك له لو وجود اللقب؟
لا .
منذ متي بدأت في كتابه هذا النوع ؟
أول حاجة كتبتها كانت فنتازيا ،يعني من سنين كتير
هل تم عرض بعض الاقتباسات قبل ذلك أو مناقشتها ؟
لسه
نختم حوارنا بجزء من كتابتك ؟
أكيد ..
ما هو دينك … نانيس
_ الإسلام يا أوزير
_ و ما هو ؟
_ هو الدواء لكل داء ،النور الذي بآخر الطريق المظلم ،اليد التي تمتد لتخرجك من ذلك البئر الذي لا آخر له
ده أكثر اقتباس بحبه من الرواية و حبيت أختم بيه
