كتبت اميرة طيرة
بداية الحوار بنرحب برسامة فن الماندالا
“حبيبة رضا”
نتعرف بحضرتك
أسمي حبيبة رضا من القاهره
٢٠ سنه
بدرس في جامعة عين شمس في الفرقه الاولى تخصص :تربيه قسم فنون وقسم Special education and learning difficulties
و برسم فن الماندالا
ايه هو فن الماندالا ؟
وهو عباره عن زخارف ومجموعة كبيرة من الاشكال الهندسية المتداخله فن من قديم العصور ومش مشهور للأسف فحبيت اني ابقي مختلفه واتجه للفن ده
ايه هي فائده فن الماندالا ؟
بيستخدم في حاجات كتير جدا وأهمهم العلاج بيه بيساعد علي تخفيف التوتر والقلق وبيساعد انه يقلل من الاكتئاب النفسي وساعدت بيه اطفال كتير وعلمت ناس
كلمني عن موهبتك وبداية ظهورها ؟
بدايه ظهور موهبتي كان وسط اهلي واصدقائي فقط
هل دعمك أحد ؟
كان اكبر داعم ليا والدي الله يرحمه وبعده امي وإخواتي واصدقائي المقربين
هل واجهتك صعوبات في بداية مشوارك الإبداعي ؟
الصعوبه اللي كنت بواجهها اني مكنتش لاقيه اي حد يساعدني او حد يعلمني حتي علي اشهر المواقع مفيش فيديوهات تعليميه كافيه ولا في كورسات للنوع ده من الفن علشان كده حابه جدا اني اقدر اعلم النوع ده من الفن للناس
كلمني عن إبداعاتك الفنية ؟
ابداعاتي الفنيه في فن الماندالا لا تصحي وهعرضها دلوقتي
متي بدأتي الرسم؟
بدأت من وانا عندي ١٥ سنه
من وجهة نظرك هل الرسم هواية ام موهبة؟
الرسم هوايه وموهبه لان الاتنين يعتبروا عمليه تكامليه لو معندكش الموهبه يبقي لا توجد هوايه والعكس صحيح لأ الرسم مش مجرد هوايه ده فن ينتج من الهوايه والابداع والموهبة والتدريب والاحساس والفكر المختلف
من اكثر الرسامين الذين تحبي ابداعاتهم الفنية وتأثرتي بفنهم؟
الفنان عبد الله عيسي في مجال الماندالا
ما الذي يلهمك للرسم ؟
الذي يلهمني حبي للتفاصيل هو اكثر شئ قادر يخليني ارسم لان النوع ده من الفن عباره عن تفاصيل فقط
حديثيني عن إبداعاتك الفنية من البداية حتي الآن ؟
مشواري كان صعب في البدايه كنت بلاقي صعوبات كتير مكنتش متعلمه ومتعمقه كفايه في الفن فمكنتش بعرف ارد علي الأسئلة اللي بواجهها بدأت أدرس واقرا واكتشف اكتر عن نوع هذا الفن واغذي بصري اكثر
و الآن شاركت في معارض وتكرمت من اشهر واعلي الفنانين ثم اصبح ليا مقالات في جرائد معروفه ومواقع في جوجل
كيف توفقين بين حياتك ودراستك وموهبتك الإبداعية ؟
كنت سأجد صعوبه حتي التحقت بكلية اساسها الفن الفنون فحلمي تحقق ومن هنا قدرت اوفق بين الاتنين لانهم نفس الشئ
ما الذي ينتظره كل محبي حبيبة رضا ؟
معرض كبير بأسمي بإذن الله
هل سبق وعرض لك اي رسومات في أي معارض أو أماكن مهتمة بالرسم والرسامين؟
عرضت بعض رسوماتي في معرض الابتكار الدولي ومعرض ملتقي المبدعين الدولي وتم تكريمي بفضل الله وتم عرض أعمالي في اغلب جرائد الفنون
هل لك اي ألقاب وماسر هذا اللقب ؟
Little DaVinci اطلقوا عليا الاسم ده لأن افضل فنان
بالنسبه لي دافنشي
ماذا كان رد فعل والديك عندما شاهدوا الرسومات الخاصة بك ؟
أبي وامي لم يصدقوا في البدايه حتي رسمت أمامهم ومن هنا بدات مجالي وانبهروا وساعدوني علي تطوير هذا
عن ماذا كانت تحتوي اول لوحة قمتي برسامها؟
كانت تحتوي عن زخرفه من المتحف الاسلامي بسيطه
هل لديك بعض من الطقوس تظهر عند الرسم ؟
طقوسي هي الهدوء يجب وقت الرسم الهدوء التام بالنسبه لي كي استحضر كل افكاري
ما الذي يلهمك لاظهار ابداعك الفني؟
كنت دايما بحب التفاصيل لو ركزت هنلاقي الماندالا موجوده في كل حاجه حوالينا في القماش والمعادن و المباني الاثريه والنقوش اللي في المتاحف وده اللي خلاني ادور كتير وقدرت اوصل أخيرا لأسم الفن ده ومن هنا بدات اطور نفسي بدأت ادخل جروبات رسم كتير وادور في جوجل ويوتيوب لحد ما بدات أقلد الكلام ده في ٢٠١٧ مزهقتش ابدا كنت حاسه اني الموضوع صعب واني مش موهوبه ومعنديش المقدره الكافيه اني ارسم بس اكتشفت أنه لا انا قدرت دورت علي كورسات كتير ملقتش بس جروبات الرسم ساعدتني كان في ناس كتير بتنزل الرسم بالخطوات لحد ما بدأت في ٢٠٢٠ انا اخترع رسمه من دماغي امسك الورقه والقلم ومفيش في دماغي اي حاجه مجرد ما ابدأ الاقي اني بعمل فكره جديده محدش عملها قبل كده أبدا.
ماهي طموحاتك المستقبلية التي تودي تحقيقها في مشوارك الفني؟
اتمني اني اقدر اخلي ده مهنه لأنه هيكون مفيد في حاجات كتير
أحلامي اني اقدر اساعد بيه ناس كتير لأنه بيخفف جزء كبير من الضغط النفسي وبيساعد وبيدخل البهجه علي قلوب اطفال كتير وحلمي اني يبقي ليا معرض اقدر اعرض فيه رسوماتي واساعد بيه زمايلي
لماذا اخترتي هذا النوع من الرسم؟
اختارت الماندالا لأنه شدني ومشوفتش حد بيعمل كده قدامي متخيلتش انه ممكن حد يرسم التفصيله دي فا خدت ده تحدي وقدرت عليه
تحبي تقولي ايه في آخر الحوار لكل من يبدأ مشواره الإبداعي بأي مجال كان ؟
اخر حاجه حابه اقولها الماندالا بحر احنا بناخد منه نقطة مهما اتعلمت فاهو فن ملوش حدود دايما في اكتر نتعلمه ودايما فيه فكره جديده وده اللي بيميز الرسم عموماً وحابه اقول لكل اللي بيدأ مشواره الفني ان مينفعش نيأس أبدا لازم دايما نحاول حتي لو احنا شايفين ان ده اخر مجهودنا لازم نقارن نفسنا بنفسنا مش بحد انت صاحب النجاح وانت دلوقتي غير بكره اسعي انك تكون أفضل واسعي انك متخليش حاجه تحبطك ودور علي اللي انت عاوزه في اهدافك وحددها كويس ومن هنا هتبدأ طريق النجاح
