الكاتب الصحفي/ محمد عبدالسميع مصباح
يكتب:
_ إسمك إيه؟
ريهام عبدالوهاب
_بتدرسى ولا اتخرجتى وبتدرسى اي؟!
حاصله علي ديلوم تجاره
_ بتحلمى ب إيه، وإيه هي طموحاتك و وصلت ل إيه ف المجال دا ..؟!
اتمني يكون ليا كياني واحقق امنياتي واكون فنانه تشكيله كبيره مشهوره ومعروفه وكمان اكون مطربه او منشده مشهوره ومعروفه ووصلت حاليا اني اشتركت في معرض فن تشكيلي وكل شهر ان شاء الله هشارك في معرض جديد واطور اكتر واكتر
_ مين اللي اكتشف موهبتك دي ومين اللي دعمك ومازال بيدعمك ..؟!
محدش اكتشفني ولا حد علمني انا بحب الرسم من صغري واتعلمت من علي النت كتير وبقيت اسآل واستفسر من ناس كتير
اللي بيدعمني كل اصدقائي وصحباتي واهلي وحبيبي وجيراني كل الناس طبعا حتي الناس اللي متعرفنيش بيدعموني ويدعولي بالتوفيق كمان وبشكرهم كلهم طبعا
_ تحبي تشكر حد ؟ مين ساعدك إنك تنمي موهبتك ..؟!
هو محدش ساعدني انمي موهبتي انا من حبي فيها بنميها وبتعلم فيها اكتر
احب اشكر الفنان التشكيلي الكبير محمد قطامش لانه ساعدني كتييير جدا في حجات كتير واستحملني كتير كمان من كتر ما كنت بسآله وباخد منه معلومات مش في الرسم بس لا كان بيديني معلومات في الرسم والنحت وشغل العرايس والغناء والتمثيل المسرحي والديكورالمسرحي وحجات كتير وكمان معلومات في الحياه اللي احنا عايشنها انا بجد بجد بكشره جدا جدا من قلبي و كل اللي بيعرف اني برسم ويشوف رسمي بيقولي استمري
_ انواع الرسم ال بتحبى ترسمى بيها ونفسك تتعلمى اي..؟!
بحب ارسم كل انواع الرسم مختلطه انا في الرسم وبحب اتعلم كل حاجه بتخص الرسم حتي لو انا عارفها وفيه شخص بيدي عنها معلومه بسمع وبستفاد اكتر
– بتفكرى تعملى إيه الفترة الجاية ..؟!
الفتره اللي جايه ان شاء الله
ناويه اطور من نفسي اكتر واكتر واتعلم اكتر وكمان بحاول اتشهر واتعرف اكتر واتمني لوحاتي تتباع للي يستاهلها
ولو اقدر اعلم حد حاجه بردوا مش هبخل بيها علي حد ولو قدرت اساعد حد هساعد ان شاء الله
_ اي اهم انجازاتك ال عملتها الفترة ال فاتت ؟!
انجازاتي هي اني لاول مره اشارك في معارض فن تشكيلي وارسم لوحات بالالوان المائيه والاكريلك
_ تحبي تضيفي حاجة تانية ..؟!
احب اضيف كمان مبنساش وليد السبروت عشان هو صديق واخ وكان بيشجعني ديما بشكره جدا جداواتمناله السعاده والتوفيق وعاوزه اقوله انا بحبك وبعزك جدا جدا ياصديقي واخويه الصغير
بالتوفيق دائماً و أبداً و من نجاح إلى نجاح بإذن الله تعالى