حوار : سهيله عبداللطيف
عرفنا ببطاقتك الشخصية؟
_اسمي علاء اشرف عباس
٢١ سنه
محافظه القاهره
عرفنا اختيارك لمجال التصوير بالتحديد دون عن اى مجال آخر؟
_ مجال التصوير من احسن واحلي المجالات وده بسبب ان اول حاجه نظرتك لكل حاجه حواليك بتختلف عن زمان وانك بتقدري توثقي لحظه سواء حلوه أو وحشه لبقيت العمر، اني بحب أوثق حياتي الشخصيه سواء صور او فيديوهات عشان لما اكبر ابقي مسجل حياتي واتفرج عليهم في المستقبل واديما بوصف الكاميرا هي مرايا لحياه الانسان .
ما الصعوبات التي واجهتها عندما بدأت العمل كمصور فوتوغرافي ؟
_ الصعوبات طبعا اللي قبلتني في الاول ان ملقتش حد يعلمني وبالعكس طلبت من ناس كتير وحتي اني اشتغل معاهم بدون مقابل مدي عشان اتعلم بس مكنش حد بيحب يعلمني فا اخدتها تحدي مع نفسي واني اعلم نفسي بنفسي وحتي مكنتش بصور حد واتعلم عليه عشان محدش يتريق عليا ويحبطني مثلا فا كنت بتعلم علي نفسي في الاوضه عندي ولما اتعلمت وبدات اني انزل الشارع واصور مع الناس الموضوع كان صعب عليا اني مش بعرف اتكلم مع حد معرفهوش بتحرج،اني اقنع شخص اني التقط صوره فا الموضوع كان صعب جدا بس اخدتها تحدي مع نفسي تاني واتعلمت اني اتكلم مع الناس ازاي واخليهم يطمنوا ليا ويحبوني ويوفقوا اني اصورهم والحمدلله كنت بشوف سعاده كبيره اوي في وشهم بسببي ودي كانت حاجه كبيره اوي بالنسبالي
كيف تستعيد شغفك في التصوير؟
موضوع الشغف بتبقي حاجه وحشه لان بتيجي للواحد بسبب عوامل كتير مش حاجه واحده بتبقي مثلا هتاخدي بالك منها فا لازم الواحد يفقد الشغف بسبب لما كنت افقد الشغف كنت بنزل اصور اكتر ولما كنت بشوف فرحه الناس في عنيهم ولما اروح واظبط الصور وبتبقي حلوه ببقي مبسوط جداا وردت فعل الناس الجميله عندي علي السوشيال ميديا وان الناس الي بصورهم والناس الي عندي علي السوشيال ميديا هما اهم حاجتين في حياتي لان هما اكتر حاجتين بيرجعوا للواحد الشغف بطريقه رهيبه وعلي فكره انا بشوف ان الواحد يفقد شغفه دي ميزه كبيره اوي عشان بعدها الواحد بيحاول يرجع من تاني فا بيتطور من نفسه اكتر واكتر عامله زي فكره التعبان انه كل فتره بيغير من جلده دي نفس الحاجه الواحد لو شغفه مقلش هيفضل طول عمره نفس المستوى ومش هيتطور من نفسه .
من ساعدك علي الوصول؟
محدش ساعدني في الوصول خالص بالعكس كنت بشوف كميه تريقه واحباط من الناس الي حواليا بطريقه رهيبه،اني كنت بحب اصور الناس في الشارع مقابل اشوفهم مبسوطين مكنتش باخد فلوس منهم كنت الاقي الناس الي في حياتي يقولوا انت بتعمل اي انت جايبها عشان تجبلك فلوس المفروض وكلام من ده كتير فا انا الي سعدت نفسي بنفسي وانا الي سندت نفسي ووقفت جمبي نفسي وطبعا اهم حد وقف جمبي هي امي طول مهي كانت جمبي مكنتش محتاج حد خلاص يحبني ولا يحب شغلي ولا يدعمني كفايه الدعم الي كان بيجي منها بجد
هل توجد هناك أفكار معدة مسبقا قبل الشروع في أخذ اللقطة؟
_ مكنتش بجهز لاي حاجه قبل ما اصور بعيدا عن أساسيات التصوير ان الواحد المفروض لما ينزل يصور يبقي مبسوط ونفسيته حلوه عشان يعرف يتكلم مع الناس وكده بس انا ممكن اظبط الدنيا كلها وفي الاخر انزل مصورش حاجه انا بنزل زيي زي سواق التاكسي او الي رايح شغله الي هي وانا نازل يارب ارزقني النهارده لان بنسبه ٧٠% الصور والفيديوهات رزق من عند ربنا وي ٢٠% موهبه ١٠%معدات فا ساعات بنزل ومصورش حاجه حلوه وساعات بنزل ربنا يرزقني بصوره لو قعدت طول حياتي مش هصور غيرها ومستحيل حد غيري يصور نفس الصوره لان مش هتقرر تاني ممكن تتقرر حاجه شبها وشخص مختلف خالص.
:ما هي مميزات المصور الناجح من وجهة نظرك؟
_ مميزات المصور الناجح انه هو خلاص بقي عنده كم من المعلومات في مجال التصوير والمفروض عليه انه يعلم الناس بحاجه زي كده ومحدش بياخد رزق حد ولا مجهود حد تاني كل واحد بياخد الي ربنا كاتبه ليه فا متبخلش علي حد بي معلومه انا لما حد يسئالني علي حاجه في التصوير علي موقع تواصل بروح ليه واقولوا كل حاجه اعرفها بالعكس انا ابقي فرحان اني عرفته معلومه وساعدته كفايه أن ربنا حبني عشان بساعد حد دي أهم نقطه احب اتكلم فيها عشان اتحرمت منها في بدايتي ان بستقبل الرفض من المصورين بطريقه مباشره وغير مباشره كمان .
هل لديكي موقع ويب؟
لدي اكونت علي الانستجرام
@alaaashraf_ph
أترك نصيحه لمن لديه موهبة؟
_ نصحتي الي عنده موهبه اقفل ودنك وكمل في الحاجه الي شايف نفسك فيها انت بتطور نفسك عشان نفسك وتنجح لنفسك وبتبقي شاطر في الحاجه دي عشان نفسك ملكش دعوه بكلام حد بجد،وانك تستمر لازم لازم لازم تواجهه مشاكل في الطريق ومن وجهه نظري الطريق الي في مطبات احسن من الطريق السالك اه هو متعب جامد بس ممتع اكتر وبتحس بطعم النجاح احسن بجد
ونصيحه كمان اوعي تقول لنفسك انا خلاص كده وصلت لمستوى حلو وخلاص كده لا حاول ديما تطور من نفسك وكل شويه هتزيد حاجه التطور مش بيخلص .
هل جربت انك توقف ناس في الشارع في اقناع انك تصويرهم بتواجه صعوبه في اقناع الناس ولا بتلاقي ترحيب؟
علي حسب المكان اني أوجه صعوبه في اقناع الناس او الاقي ترحيب منهم يعني مثلا في مناطق هما كده كده في تعود اني فيه مصورين غيري كتير بينزلوا يصوروا هناك زي المعز والدرب الاحمر والقاهرة القديمه عموما فا لما اطلب من حد اصوروا من غير اصلا ما اقولوا انا مين فا بيوافق علطول غير مثلا لو روحت منطقه ارياف واطلب من حد اصوروا هو بيبقي خايف مني اصلا وبيبقي خايف اني اطلعه بصوره وحشه مثلا فا بعود معاه وافهمه واريهم صور الناس الي صورتهم قبل كده واوريهم ردت فعل الناس فا بيبدوا يطمنوا وفي ناس بترفض مش حابه الفكره والرفض في كل حتي بس هي فكره نسب مش اكتر وحاجه حابب ازودها اني حبيت اكتر التصوير في الارياف لان هما ناس قلبهم طيب جداا مفيش خبث فيهم ولا حقد وكلهم بيحبوا بعض وبالعكس كنت اخش عليهم يجيبوا المشروب والاكل كمان سواء هو هيتصور او مش هيتصور فا بجد هما ناس كويسه والواحد بيحس انه وسط اهله مش ناس غريبه بيصورهم .
رأيك في حوار معك؟
_ كان حوار جميل،وشكر خاص للصحفيه سهيله
