الفن

كريم خضر فنان تشكيلي اول رسام جرافيتي يرسم علي الجداريات في شوارع بلطيم

حوار هاجر عبد العليم

كريم ايمن خضر فنان تشكيلي يبلغ من العمر ٢٠ عاما درس في مجال الكهرباء فني صناعي ابن محافظه كفر الشيخ مدينه بلطيم وهبه الله موهبه الرسم فعمل علي موهبته واشتغل عليها وفكر في التميز والإبداع فاصبح وهواول رسام يرسم علي الجداريات في شوارع بلطيم وشارك في مسابقات علي مستوي الاداره والمحافظة وحصل علي مراكز ،ويستخدم الفرش ومسدسات الرش و فرش الاسنان ومقشات الكنس وكتل ورق ويسستخدم ادوات للتسييح ويستخدم السكاكين ادواته في الرسم
ولهذا كان لنا معه حوار خاص وممتع

متي بدأت موهبتك؟

بدات الرسم سنه 2015 من سبع أعوام كنت برسم عالورق بورتريهات وبعدها حبيت اغير واعمل حاجه مختلفه
وبالنسبه لمنطقتي كان شيء مختلف لاني اول رسام جرافيتي يظهر في شوارع بلطيم وده كان سبب كبير في شهرتي

أهم أهدافك وطموحاتك؟
اهدافي اهمها اعمل تاثير علي المجال الذي اشتغل فيه وافتح جاليري وورشه لعملي وورك سبيس للرسامين فقط

أهم الأدوات التي تستخدميها في الرسم؟
الفرش ومسدسات الرش وكمان مهتم اوضح الادوات مش بتتوقف علي حاجه وعمرها مكانت عائق استخدمت في أعمالي ادوات زي فرش الاسنان ومقشات الكنس وكتل ورق واستخدمت ايدي في التسييح واستخدمت سكاكين

بم تنصح الشباب؟
انصح الشباب بان يكتشفوا نفسهم في بدايه عمرهم وانا صغير جربت امثل وطلعت مسارح جربت اغني وسجلت اغاني وجربت العب كوره كل دول ملقتش نفسي كويس فيهم واجرب حاجه جديده لحد ماكتشفت اني بعرف ارسم لم جربت وكمان انا لسه بجرب مجالات مختلفه لحد دلوقت ولو يمكن الاقي نفسي كويس في حاجه تانيه وموهوب فيها

لمن توجه الشكر ؟

اوجه شكر لمدينه بلطيم بالكامل ومثلي الأعلي الوحيد دماغي لان تفكيري كويس جدا كل الذي نفذته كان بسبب تفكيري بعد توفيق الله ولسا بفكر في نقلات كبيره بس في حاجات كتيره مقيده عطلتني عن خطوات اتمني اخطيها

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى