

الكاتب الصحفي/
محمد عبدالسميع مصباح
يحاور الفنانة/ سما صالح

الفنانه التشكيليه سما في بداية الحديث ممكن نتعرف على حضرتك ..؟!
اهلا بحضرتك انا سما صالح
_ بتدرسي ولا اتخرجتي ..؟!
بدرس فى كليه الاداب قسم الاثار المصريه جامعه المنصوره
_ بتحلمي ب إيه و إيه هي طموحاتك و وصلتي ل إيه ف المجال دا ..؟!
اتمنى انى اكون فنانه حقيقيه مش مجرد حد بيرسم
_ مين اللي اكتشف موهبتك دي و مين اللي دعمك ومازال بيدعمك ..؟!
حقيقى معرفش مين اكتشف بس كل الى اعرفه ان كنت بستنى حصه الرسم فى المدرسه وانا فى ابتدائي كل اسبوع ومن وقتها وانا مبطلتش رسم
_ تحبي تشكري حد معين ساعدك إنك تنمي موهبتك ..؟!
اكيد اهلى و صحابى هما بجد بيحبو رسمى اوى و مدرسين المدرسه بما انى كنت طالبه مش معروفه بحاجه غير الرسم وانا صغيره .
_ ممكن تعرفينا إيه هي أنواع الفن التشكيلي اللي بتفضليها وتكلمينا عنها بشرح مُبسط كده ..؟!
بحب ارسم لاند اسكيب اوى بالنسبالى عناصر الطبيعه هى اجمل حاجه للرسم زى السما والزرع مثلا أنا شخص بيحب السما والسحاب والشمس والقمر اوى طول الوقت ببص عليهم ف هما اكتر حاجه ملهمه .
_ بتفكري تعملي إيه الفترة الجاية ..؟!
هركز شويه فى مذاكرة الآثار لأن بالنسبه ليا الآثار نوع رائع من الفن .
_ تحبى تضيفي حاجة تانيه ..؟!
شكرا جدا