الكاتب الصحفي/ محمد عبدالسميع مصباح
يحاور:
_ الفنان التشكيلي أحمد في بداية الحديث ممكن نتعرف على حضرتك ..؟!
اهلا …انا احمد محمود وشهرتي دافنشي
_ بتدرس ولا اتخرجت؟!
انا اداب فرقه تانيه لغات ساميه
_ بتحلم ب إيه و إيه هي طموحاتك و وصلت ل إيه في المجال دا ..؟!
بحلم اني ابقي دايما ناجح في اي حاجه انا بعملها دايما ومستمر مهما كانت الظروف
_ مين اللي اكتشف موهبتك دي و مين اللي دعمك ومازال بيدعمك ..؟!
هو حقيقه محدش اكتشف موهبتي غير نفسي لقيت ايدي تعرف تقلد اللي قدامها ف جربت اكتر واكتر لقيتني بدل ما كنت برسم كرتون وانمي دخلت ف اكتر من حاجه سواء مانديلا خط عربي واكبرهم البورتريه والفن الحر
_ تحب تشكر حد معين ساعدك إنك تنمي موهبتك ..؟!
احب اشكر طبعا قبل اي حد اهلي وعيلتي والدتي ووالدي واحب اقولهم اني بحبهم جدا وطول ف عمرهم وهما معايا
_ ممكن تعرفنا إيه هي أنواع الفن التشكيلي اللي بتفضلها وتكلمنا عنها بشرح مُبسط كده ..؟!
بفضل البورتريه…اريحيه البورتريه عندي كبيره جدا..بحب اركز ف تفاصيل ممكن تكون صغيره اوي بس اللي يركز تعجبه اوي
_ بتفكر تعمل إيه الفترة الجاية ..؟!
اني أطور من نفسي اكتر واتعلم رسم الالوان والزيت واي نوع جديد انا لسه مجربتهوش
_ تحب تضيف حاجة تانيه ..؟!
حابب اضيف أن اي رسام لسه جديد إن مش عايز فقد شغف نهائي …محدش هيبقي باقي لشغفك ف الرسم غيرك وخلي عندك استمراريه ف الحاجه اللي بتحبها
حب ما تعمل
