الكاتب الصحفي/محمد عبدالسميع مصباح
يحاور الفنان/ سيف جمال
_ الفنان التشكيلى سيف في بداية الحديث ممكن نتعرف على حضرتك ..؟!
_انا اسمى سيف الدين جمال سعد عندى ٢١ سنة من دكرنس بمحافظة الدقهلية 
_ بتدرس ولا اتخرجت..؟!
_ انا فرقة رابعة حقوق اخر سنة ليا السنادى
_ بتحلم ب إيه و إيه هي طموحاتك و وصلت ل إيه فيها ف المجال دا ..؟!
_بحلم انى ابدء فى خامات صعبة زى الرسم بالجاف والحبر …انا حاليا برسم بكذا خامة رصاص.- فحم – الوان خشب -الوان مائية – الوان باستل
_ مين اللي اكتشف موهبتك دي و مين اللي دعمك ومازال بيدعمك ..؟!
-انا من حبى للرسم من صغرى لفت نظر اهلى انى عندى الموهبة فعلا والحمدلله استمريت فى تطوير نفسى فى كل حاجة تخص الرسم حتى البورتريه بدات فيه من نفسى من غير اى كورسات.. اهلى واصحابى هما اكبر داعم ليا طول الوقت ومازالوا
_ تحب تشكر حد معين ساعدك إنك تنمي موهبتك ..؟!
_حابب اشكر اهلى واصحابى وكل حد شجعنى انى اخوض تجارب مختلفة و فى استمرارى فى الرسم
_ ممكن تعرفنا إيه هي أنواع الفن التشكيلي اللي بتفضلها وتكلمنا عنها بشرح مُبسط كده ..؟!
_ انا حاليا تركيزى فى البورترية وفى المنظور المعمارى
_ بتفكر تعمل إيه الفترة الجاية ..؟!
_ بسعى انى اخرج من اطار البورترية و ابدا فى الرسم السريانى وارسم من افكارى انا من غير اى اقتباس من صور
_ تحب تضيف حاجة تانيه ..؟!
_ حابب اشكر م/عبدالله عبدالسلام و كل المسؤولين على دعمهم الدايم و وقفتهم جمبنا باستمرار وان شاءالله نكون قد ثقتكم فينا وعند حسن ظنكم .
