كتبت ماري جرجس
عبدلله قناوي هو صانع محتوي علي مواقع التواصل الأجتماعي ، يقوم بتقديم محتوي مميز هو المكياج السينمائي بأنواعه بشكل مبسط ومميز ورائع ولا يكتفي بذلك بل يقوم بتعليم كل من يهتم بذلك المجال .
– في البدايه كيف اكتشفت موهبة المكياج السينمائي ؟
اكتشفت بالصدفه لما الشركة اللي كنت شغال فيها طلبوا امثلهم في الهالوين واعمل مكياج للجمهور ولما جربت عملت حاجه عجبتني وجربت اكتر من مره و بعد كدة بقيت بعمل ده في الهالوين بعد ما مكنش ليه وجود .
– متي بدأت الظهور علي السوشيال ميديا وكيف كانت بداياتك ؟
بدأت من ٢٠١٦ علي فيس بوك وبعد ما الحساب اتقفل اتحمست اني ادخل علي تيك توك وفعلاً قدرت أوصل بسرعة لان من ميزات التيك توك أنه وصلني للأشخاص المناسبه .
– بما تنصح الشباب المبتدئين في مجال المكياج ؟
أولا منقلدش الانفلونسر الأجانب ونبدع لان معظمهم بيكون في رسايل مخفيه في المكياج بتاعهم تخالف عقيدتنا
ثانياً الاستمراريه علشان تقدر تنجح .
-من قدوه عبدلله قناوي ؟
شخص مش في المكياج خالص هو محمد صلاح وقدوتي كنجاح ، انه حد مصري قدر يوصل للعالميه و ده يدينا الأمل أننا نقدر نوصل في مجالنا .
– من وجهه نظرك أين تري المكياج السينمائي خلال ٣ اعوام ؟
المكياج السينمائي في تطور لكن يوجد مشكلة في الخامات ولكن هو بحاجه كبيره في السينما ، والحمدلله كان ليا دور كويس في نشر الوعي السينمائي عند جمهوري .
– آي من الأعمال الدراميه التي قمت بمشاهدتها وكان تقييمك للمكياج يفوق ١٠ من ١٠ ؟
بعض الحاجات الاجنبيه متطوره طبعاً عن المصري مثل the nun ، والمكياج عامل كبير في ارسال الرساله كفيلم ال Joker .
– هل كان حلمك أن تكون صانع محتوي أم جائت الشهره بالصدفه معك ؟
كنت دايماً بقف قدام المرايا اتكلم كأني في برنامج أو في لقاء صحفي ويمكن تكون صدفه او لا لانها حاجه ناتجه من اللاوعي .
– ماذا تود أن تقول لجمهورك ؟
مبسوط من تقبلهم لفكره المكياج السينمائي ومش لازم تبقي مشهور علشان تبقي ناجح ، ومش شرط تسيب شغلك علشان تبقي ناجح .
– من يقوم بدعمك دائماً ؟
الدعم الدايم عمره ما هيجيي في الاول لازم تتعب الاول ، واسرتي وزوجتي ساعدوني كتير .
