اخبار

زكريا بطرس قضية رأي عام

 

 

كتبت / أمل فاروق الريفي

 

 

نتكلم بالمنطق ولا نردد ونتعامل بمشاعر ميديا خداعة!

 

أولا الكائن دا غلط ف أشرف خلق الله متفقين ع دا

الكائن دا بيغلط من أكتر من ١٠ سنين وليه فيدوهات أفظع من إللي ظهروا مؤخراً ومنتشرة في كل مواقع التواصل الاجتماعي حصل أي؟ رد فعل عام؟ لا!!

 

طب اشمعنا ال١٠ أيام إللي فاتوا دول؟ دا سؤال مهم جدا ويخليك تفكر إن في مقصد.

المقاصد كتيرة جدا، بس أهما حرفيا ((فتنة))

يعني بالبلدي لا تنساق ورا الميديا لأنها أصبحت نوع جديد مهم من أنواع الحـروب

 

طب ياسيدي يعني ماغرش على ديني ورسولنا الكريم؟! لا طبعا! إنت ذات نفسك روحك فداء للرسول الكريم❤️

 

بس بالمنطق ومن الآخر، الكائن دا خارج البلاد ومحمي وممول وإللي إنت بتعمله ع الميديا دا إنت حققت هدفه؛ أولا انتشار، شهرة، مشاهدات آكتر، فلوس آكتر.

وفي المقابل، مش هتعرف تجيبه ولا تحاكمه لإنه بيتكلم من دولة قانونها مش بيمنع إللي هو بيعمله!

 

‼️طب الحل

أولا ربنا ليس غافلا عما يحدث، الرسول أحب الخلق عند الله يعني حقه ف حفظ الله حتي يأتي الله بأمره سبحانه

 

قال تعالى: ﴿ ….. فَاعْفُواْ وَاصْفَحُواْ حَتَّى يَأْتِيَ اللّهُ بِأَمْرِهِ إِنَّ اللّهَ عَلَى كُلِّ شَيْءٍ قَدِيرٌ ﴾

 

ساعات استغلال المواقف الصعبة بذكاء بتعمل المعجزات

إزاي يا سيدي هقولك..

 

حضرتك أيها الشخص الإلكتروني الفيسبوكي، بوستاتك وكومينتاتك مش حل، وشرحت فوق ليه.

طب متيجي نستغل الفرصة ونصلح من أنفسنا أكتر!

هل تعلم عزيزي الإلكتروني؟ في ناس، وعدد كبير جداااااا ومن جميع الأديان وجميع الاعمار

في المجمع، ((سب الدين)) بالنسبالة لهم بقي عادي جدا، طب متيجي نرجع لدينا تاني مسلم و مسيحي ونبطل سب دين وبعدين نجي ع الفيس بوك ندافع براحتنا!

 

حضرتك الحوار فتنة ليس إلا.

إحنا ناكل في بعض ونتفتن ع بعض

وهو يتلذذ بفلووس المشاهدات.

عايزاك تركز ف الفيديو المنتشر بيقول انشرررروه ع الفيس بوك. قالها كذا مره! الحوار ملعوب.

 

لو عايز تغضب فعلا كنت غضبت من ١٠ سنين ع الاقل.

 

مصر وشعبها أكبر من أي فكر حقير ممول.

مقالات ذات صلة

زر الذهاب إلى الأعلى