ماكبرتش
للشاعرة :نادين العارف
ما كبرتش
اول ما يقولو عليا كبرت
قلبى بيترج
ما هو ايه الى كبرت
هى الايام اللى انا عيشتها
ريشى بيطلع يتحسبم عمر
انا فكرى أن العداد بيعد
من اول ما اعرف اطير
فاجئونى بأن الفات من عمري كتير
ضحكو عليا
تعالولى هنحسب طب كام سنة
خدت الحيرة
يطلع ليا ف زمة دنيتكم فرق كبير.
قال ايه انا كبرت
انا عاملة حسابى أن العمر دا
عداد احلام بنحققها
ولقيته حرامى
بيدير وشى عن الايام و بيسرقها
طب شيلو النوم برا الحسبة
ف هينقص عمرى اكتر من تلته
و ارجع لسه
ما كبرتش يعنى اهو ولا حاجة
جاتكم كبرى
بيقولو كبرت
نزلت على قلبى طامة كبرى
انا خايفة بجد
طلعت كل سعاتى بتتعد
مش فارقه انا عيشت ولا ما عيشتش
ما كبرتش لا انا ما كبرتش
قطع لسانكم
مش معنى ان الأصغر منى
بقو هم كبار أن انا بكبر
ولا ليها علاقة أن كلامى
بقى زى الكانو اكبر منى
هما كانو كبار وقت ما كانو
كدا من سنى
أما انا لسه
يا أدى الوكسة
عمالة بجمل ف القصة
و مالهاش مخرج
ما كبرتش لا مش هنهرج
مش هنهرج
و كبرت كبرت
هخاف يعنى.
اه لسه الكلمه بتفجعنى
