مطبخ

تعرف على أنواع التونة

تعرف على أنواع التونة

وفاء أبوالسعود
أنواع سمك التونة

سمك  بلوفين Bluefin فى اليابان وده الكيلو على الأقل بعشرة آلاف دولار والسمكة ممكن توصل ملايين الدولارات.
سمك Albacore وده اسمه لحم التونة الأبيض.
سمك سكيب جاك Skipjack وده اسمه لحم التونة الخفيف. (بيكون لونه أحمر).
سمك Yellowfin ودى سمكة فيها خط أصفر فى الجنب وده لحم تونة خفيف.
———-
🚩 إيه الفرق بين لحم التونة الأبيض (سمك Albacore) ولحم التونة الخفيف (سمك سكيب جاك ويلوفين من حيث الطعم؟
✅ من حيث الطعم لحم التونة الأبيض أقل زفارة واللحم متماسك بينما لحم التونة الخفيف أقل تماسكاً وفيه ريحة سمك أكتر.
———
🚩 هل  التونة فى السوق فيها زئبق وخطر علينا
✅ سمك التونة عامة من أعلى أنواع الكائنات الحية اللى بتحتوى على الزئبق وده طبيعى فيها ومش مرتبط بكون السمكة جاية من بلد فلان أو علان.
✅ سمك تونة نوع سكيب جاك (لحم التونة الخفيف) ودى 99% من التونة فى العالم العربى هى أأمن نوع سمك تونة لأن دى فيها ثلث كمية الزئبق الموجودة فى لحم التونة الأبيض.

تعرف على أنواع التونة
تعرف على أنواع التونة

تعرف على أنواع التونة
🚩 إيه حكاية إختلاف الأٍسعار مع أنه نفس نوع السمك (ريو دى مارى وسن شاين وأٌقل نوع تونة هى نفس نوع السمكة بالمناسبة) ايه اللى بيعمل اختلاف؟
أولاً: حاجة اسمها الـ Processing يعنى التقطيع والحفظ والتعليب.
ثانياً: شرعيّة المصنع اللى بيشتغل فى التونة وده مشكلة فى جنوب شرق آسيا لأن فقط حوالى 25% من مصانع تايلاند وفيتنام مرخصة.
ثالثاً: جودة البيئة اللى السمكة بتعيش فيها.
——–

تعرف على أنواع التونة
لذلك ريو مارى مع أنها من أغلى التونة لكنها نفس السمكة بتاعت تايلاند لكن ليه؟ عشان ريو دى مارى أكبر وأنضف مكان بيتصنع فيه التونة فى العالم ومكان المصنعين فى إيطاليا وفرنسا .. السمك اللى بيجيبوه من المتوسط والأطلنطى أقل تلوث من جنوب شرق آسيا.. العمالة عندهم مقننة مش عمالة رخيصة والتكلفة غالية والتعبئة ممتازة لذلك السعر بيكون خمس أضعاف بتاعت تايلاند.
——-
🚩 إيه هى السموم الموجودة فى التونة؟
الزئبق: لذلك دائماً ننصح بالتونة الخفيفة اللى موجودة فى الشارع عادى بحد أقصى علبة فى الأسبوع للبالغين وعلبة كل شهر للأطفال أقل من 6 سنوات عشان الزئبق من المعادن الثقيلة اللى صعب خروجها من الجسم وتؤثر على الأعصاب.
———
🚩 هل التونة اللى فى الأسواق آمنة وناكل منها عادى؟
✅ طبعاً آمنة وكل منها زى ما اتفقنا علبة بحد أقصى كل أسبوع وللأطفال علبة شهرياً والحوامل تاكل زيها زى البالغين عادى جداً مفيش خوف.
———
🚩 إيه أكثر دول مصدرة للتونة فى العالم؟
تايلاند بعدها الصين بعدها أسبانيا بعدها الإكوادور.
———
🚩 التونة فى الماء أفضل ولا فى الزيت؟
✅ الماء عشان بتكون أقل فى السعرات الحرارية وأكثر فى كمية أوميجا 3.
—–

🔔 ملحوظة بسيطة:

بعض أطباء النساء بيمنع التونة أول 3 شهور تحسباً لأى مشكلة وده إجراء آمن لو السيدة هاتاكل لحم تونة أبيض لأن الزئبق فيه 3 أضعاف لحم تونة خفيف.. لكن لو تأكدت أن نوع السمكة سكيب جاك أو مكتوب لحم تونة خفيف الحامل تأكلها عادى بنفس معدل البالغ.
🔔 ملحوظة:

مقارنة ريو مارى مع المنتجات الأخرى ليس بغرض الدعاية ولكن للمقارنة بين أغلى وأرخص نوع وأنهم هما نفس السمكة.

مقالات ذات صلة

زر الذهاب إلى الأعلى