الكاتب الصحفي / محمد عبدالسميع مصباح يكتب
قصيدة فيه ناس للشاعر المبدع / رامي زين
فيه ناس من يوم ما فارقناهم
وحياتنا حقيقى بقت أجمل
وكأن المية كانت قاطعه
وبفراقهم رجعت وروتنا
وكأن الدنيا كانت ضلمه
وفراقهم نورلنا بيتنا
فيه ناس زى الأورام لازم
البتر نهائى من جدره
الواحد كان يعرف ناس
جبل وانزاح من على صدره
النفس سعيدة من دونهم
راس مالهم منظر وهدومهم
شكل يادوب فاضى مضمونهم
البعد عنهم فيه الراحة
غلطان من ساب وردة بلدى
ومسك ف صناعى بفواحه
كانوا عاملين فيها التفاحة
اللى مزينه طبق الفاكهة
واهى دارت بينا الأيام
والأصلى قوام فضح السكة
أنا كنت تايه ف السكه
واحد ماشى ف طريقة وضل
قال وانا فاكر حلى معاهم
اتارى فراقهم هو الحل
القلب من طيبته باعنا
هنعمل ايه ف حبنا الأعمى
القرب منهم كان لعنة
وفهمنا المعنى متأخر
أنا لما بسرح وبفكر
بفتكر ازاى كنت ف ورطة
ازاى صح مكنتش شايف
إن معرفتى بيهم غلطة
شاطرة الايام وبتثبتلى
إن فراقى عنهم كان صح
فيه ناس فضوا رصيدهم بدرى
وباقى رصيدهم لا يسمح
حتى عتابهم مبقاش مسموح
الندل عتابة فى تجاهله
وباب قلبي امبارح
كان مفتوح
اليوم مقفول بعقاب جهله
ومسير قلبى الطيب بكره
هيقابل خلق يستاهلوا
وساعتها هيعرف إن فيه ناس
حياتنا ف وجودهم افضل
وفيه ناس من يوم ما فارقناهم
وحياتنا حقيقى بقت أجمل
#رامى_زين
