الكاتبه : سحر فوزى
السفر مش بس غربه من بلد لبلد
ولا انسان بيحمل شنطتته ويهاجر وطنه بس
السفر والغربه كمان ان الانسان ياخد روحه وقلبه وعقله ويسافر بيهم مع أفكاره وهو ف بلده وفي بيته ومكانه.
الغربه بتحسها ف خوفك ف التعامل مع الناس حواليك بسبب عدم ثقتك فيهم
الغربه بنعيش فيها بسبب كثرة الغدر من ااقرب البشر
الغربه مع أول خذلان او كسرة خاطر بتعيش معاك بسبب مخاوفك من الجاي لما يجرحك ال معاك.
الغربه مش بس شنطه وقمطة وشنيطه
الغربة روح حزينه جواك مروبوطه بشريطه
متزعلش يالي متغرب وسايب بلدك
دا ياما ناس ف بيتها وغرفتها بالهموم بتشبهلك
الغربه مش بس سفر من بلد لبلد
الغربة كسرة قلب اب من ولد
الغربه تربه حتى وانت ف بلدك مابين احبابك وناسك وجيرانك
ال بيسافر بروحه وعفويته عذابه أصعب من عذاب ال بيسافر بجسدته وشنطته
للسفر ياما حكايات وحكايات.
