الصحفي/ محمد عبدالسميع مصباح
يكتب:
إسمك إيه؟
رانيا مدحت عثمان ابراهيم النجار عضو بفريق موهوبين محافظة الدقهلية (فريق قصر ثقافة المنصورة)
بتدرسى ولا لا؟
اها بدرس فى كليه تربيه نوعيه قسم فنيه ، الفرقه التانية.
بتحلمى ب إيه وإيه هى طموحاتك؟
ادرس اكتر فى مجالى و أعطي تدريبات للى محتاج فى المجال دا وادعمه نفسيا يوصل للمرحله اللى وصلت لها.
وصلتى ل إيه ف المجال دا؟
عملت 19 قطعه من النسيج (مفارش من خيط الصوف)
، اشتركت فى معرض ابطال الدقهليه بقطع نسيج مختلفه الشكل واخدت شهاده فيه
مين اللى اكتشف موهبتك دى ومين اللى داعمك ومازال بيدعمك؟
محدش اكتشف موهبتى انا اللى اشتغلت وغلطت ومسلمتش نفسى للإحباط اتخطيت بنفسى المجهود اللى بيبذله من وقت وارهاق عين وتعب ظهر وسهر
اللى داعمك ومازال بيدعمك ؟
محدش داعمنى انا اللى بتعب واشتغل على نفسى بافكارى و اجتهادى وبشجع نفسى لحد اما اخلص .
واللى مازال بيدعمنى :هو بابا
تحبى تشكرى حد ساعدك انك تنمى مهوبتك؟ كل حد قدم ليا كلمه سواء من حد غريب شاف شغلى وشكر فيه وصحبتى اكبر داعم ليا فى اى حاجة والصحفية / إيمان الزيني
عملت معايا لقاء فى المعرض وحبت شغلى و أعطتني
امل فى وقت كان ضغط عليا من كل حاجة والمهندس عبدالله مسول فريق موهبين الدقهليه
بتفكرى تعملى إيه الفتره الجايه :
اعمل نسيج بمساحات اكبر
ولنسيج والكوراشيه مشروع ليا .
اعمل دورات لتعليمه .
تحبى تضيفى حاجة تانيه ؟اها احب اقول ان فشلك وياسك هو بدايه طريق نجاحك ومتسلمش لو كل الظروف ضدك، خليك هين على نفسك واتقبل كل حاجة فيك ، اللى قالك انت مالكش لزمه وفاضى رد عليه بنجاحك مش بلسانك ووقتها هيتفرج عليك من بعيد.
