كتبت/امنيه مدحت
ظهرت في حياتي فجأه ومن غير استأذن بقيت اقرب ما ليا وبعد ما كنت بتمني الموت لأني مش حاسه بالأمان وسط الشعب الغدار ده لاقيتك فجأه بتحط النقط علي الحروف في حياتي ووجودك زين عمري بأكلمه كأنك زينه رمضان في حاره في حي شعبي وثمره تمر بعد اذان المغرب وزي اخر قطره مياه تحضن شفايفك قبل اذان الفجر بكام ثانيه ومن غير خوف بقيت اقربلك ومن غير شك انك مزيف وان مشاعرك مجرد وهم انا حسيت بيه لاكن انت برغم كل قلقي قدرت تتطمن قلبي وتثبت ليا معني الأب الروحي واكتر من اخ ومش مجرد بطن شالتنا في نفس اللحظه لا انت روحك بقيت مربوطه بروحي وانا بقيت ام ليك وبعوض قلبك من حرمان الطفل اليتيم وانت كمان عوض ليا عن اب مش موجود وانت اللي بتعاملني كطفله خلقت في قلبك وان ليا مكان جوا قلبك واوسع مكان كمان ولا اقولك لا انت ملكت قلبك كله وقلبي ديما يتمناك وقلبي طبعا مش هيتمني اكتر من كده فحتي وانـا نايمه بشوفك في احلامي وده اللي مصبرني علي غيابك لما بسيبك وانام وحتي في المـنام بتيجي تتطمني وتاخدني في حضنك واي مشكله بنمر بيها بلاقي الحل في وجودنا مع بعض وكل واحد بيهون علي التاني بأي كلمه تجبر الخاطر ولو بخاطري انا ما اريد غيرك بحياتي واتمناك في مستقبلي زي الحاضر وندمانه كمان علي الماضي لأنه كان بدونك واللحظه معاك بحياه اكلملها واتمني يوقف العمر عشان مش يجي عزرائيل ويسرق روح منا ويعم الحزن في قلب الطرف التاني
